| |
| Wenn e kukke kukke i e maj’ wenn e bølje brus we Kegnæs drej å e hyll’ den blostre som i Spang ja, sinn kømme jo e trang. Æ ka it la væ’ å syng æ trille som e fow’l i Trympellyng, “Tænk wo ka vi saut ve vos o Als” |
| |
| Dippedaje i e Synneskau, pinsdas’sol å bal i Høruphav, en sommeawden ve Stolbro, æ dæ nau’ som det, monstro? Æ ka it la væ’ å trill, æ synge som den kære lærkelil, “Tænk wo ka vi saut ve vos o Als” |
| |
| Asserballeskau å Gammeldam, kvann dæ bølje o hver bakkekam, se e vann som spejl ve Lønsemaj, ak, wo gi’ de da jen frej. Æ ka i la væ’ å brum, å sammel mæ e wæuse vil æ sum’, “Tænk wo ka vi saut ve vos o Als” |
| |
| Taj da sinn hveranne ve e han’, byssens folk å bynne frå e lan’ gå i samle flok gømmel e lej, la e sang vis’ vos vej. Olle fowl så syng da mæ, ja, pip da mæ de neef som i no hæ, “Tænk wo ka vi saut ve vos o Als” |
| |
| Fritz Karstensen/Fritz Karstensen |