Andode og Soffi (Frelle)


   
E Jolles stue Andode

0g Jøssens røj Soffi

va et pa gammel kvinnfolk

dæ ho en masse tid

Hvæern dau gik di te dochtes

å klove ham dæ nøe

snaet ho et vætt forstoppels

snaet ho e håebund kløe

Så soel e affeteke

en hiel diel ny mikstue,

for di to pjatte kvinnfolk

di gurgle å de smue

Hven it e mav ho kniffen

så ho e halsgaff bræen,

jen dau da truj de beche,

e blindtarm va betæen

E dochte, sælle stakkel,

visst it sin leven rooj,

fo sant å sej i grunnen,

sen va et vrøvl di sooj.

En tiesda sad Andode

veæ dochde hielt oljenn,

om hun da ku begriif et,

hvo Soffi hun va hen

Doch næste dau da kam hun

i hopla å i form,

no sku hon ha nau pille,

hun truuj nok hun ho voerm

Han ga dem kalktabledde,

lidt dråfe, di ku tej,

nov salle dæ sku smøeres,

o et pa hudløs stej.

Sen sjokke di a hjemmen

mæ vældich ynk å klau

å kam mæ ny probleme

egæn den næste dau.

“Å e gåe, de ska æ sej dæ,

vel æ æ it så pych,

men true mæ, stue Andode,

e gåe, da va æ sych”

Som medlem af Æ Synnejysk Forening er du med til at bevare det sønderjyske sprog. Der bliver løbende afholdt spændende arrangementer for medlemmerne, og du vil modtage "Æ Blaj" (nyhedsblad) fire gange årligt.